Karim Benzemaning kelajagi noaniqligicha qolmoqda. Mish-mishlarga ko‘ra, 35 yoshli fransuz kelasi yozda "Real"ni erkin agent sifatida tark etishi mumkin.
Calciomercato nashrining La Republicca gazetasiga tayanib xabar berishicha, "Roma" Benzemaning holatini diqqat bilan kuzatib bormoqda. Italiya klubi "Oltin to‘p" sohibini o‘z safiga tortishga harakat qilishi mumkin. Qayd etilishicha, rimliklar Karim bilan hamkorlik qiluvchi Adidas kompaniyasidan yordam so‘rashlari mumkin.
Avvalroq matbuotda "Real Madrid" Karim Benzemaning joriy mavsumdagi o‘yinlaridan xavotirda ekani haqida xabarlar tarqalgan edi. Fransiyalik futbolchi 29 uchrashuvda 19 ta gol urgan.