"Barselona"ning sobiq hujumchisi Pyer-Emerik Obameyang kataloniyaliklar jamoasiga qaytishi mumkin. Jurnalist Fabrisio Romanoning so‘zlariga ko‘ra, gabonlik forvard rahbariyat va bosh murabbiy Xavi Ernandes bilan ajoyib munosabatda bo‘lib, futbolchini o‘tgan yozda Londonning “Chelsi”siga qo‘yib yuborishni istamagan.
E’tibor bering, hozirda Obameyang "Chelsi" bosh murabbiyi Grem Potterning rejalariga umuman kiritilmagan. Hujumchi Chempionlar ligasining pley-off bosqichi uchun qaydnomadan chiqarib tashlangan, shuningdek, Premyer-liga o‘yinlari uchun kengaytirilgan tarkibga deyarli kirmaydi.
Obameyang uchun yozda "Barselona"ga qaytish ustuvor vazifa hisoblanadi.