"Барселона"нинг собиқ ҳужумчиси Пьер-Эмерик Обамеянг каталонияликлар жамоасига қайтиши мумкин. Журналист Фабрицио Романонинг сўзларига кўра, габонлик форвард раҳбарият ва бош мураббий Хави Эрнандес билан ажойиб муносабатда бўлиб, футболчини ўтган ёзда Лондоннинг “Челси”сига қўйиб юборишни истамаган.

Эътибор беринг, ҳозирда Обамеянг "Челси" бош мураббийи Грэм Поттернинг режаларига умуман киритилмаган. Ҳужумчи Чемпионлар лигасининг плей-офф босқичи учун қайдномадан чиқариб ташланган, шунингдек, Премьер-лига ўйинлари учун кенгайтирилган таркибга деярли кирмайди.

Обамеянг учун ёзда "Барселона"га қайтиш устувор вазифа ҳисобланади.