«Inter» himoyachisi Danilo D'Ambrozio uning klubi Chempionlar ligasi finaliga chiqishiga ishonmoqda.
Jamoa oson yo‘lga tushgan, ya’ni «Inter» «Real Madrid», «Manchester Siti» yoki «Bavariya» kabi raqiblarga finalgacha to‘qnash kelmaydi.
«Finalga chiqa olamiz, buni hammamiz orzu qilamiz. Ammo orzuning ro‘yobga chiqishi uchun siz qattiq ishlashingiz kerak.
Chorak finaldagi barcha jamoalar kuchli. Lekin, tan olish kerak, ob’ektiv jihatdan bizdan kuchliroq jamoalar bor», - deya futbolchining so‘zlarini keltiradi Italiyaning ITASportPress axborot agentligi.
Eslatib o‘tamiz, «Inter» va «Benfika» o‘rtasidagi chorak finalning ilk uchrashuvi 11 aprel kuni bo‘lib o‘tadi.
