«Интер» ҳимоячиси Данило Д'Амброзио унинг клуби Чемпионлар лигаси финалига чиқишига ишонмоқда.
Жамоа осон йўлга тушган, яъни «Интер» «Реал Мадрид», «Манчестер Сити» ёки «Бавария» каби рақибларга финалгача тўқнаш келмайди.
«Финалга чиқа оламиз, буни ҳаммамиз орзу қиламиз. Аммо орзунинг рўёбга чиқиши учун сиз қаттиқ ишлашингиз керак.
Чорак финалдаги барча жамоалар кучли. Лекин, тан олиш керак, объектив жиҳатдан биздан кучлироқ жамоалар бор», - дея футболчининг сўзларини келтиради Италиянинг ITASportPress ахборот агентлиги.
Эслатиб ўтамиз, «Интер» ва «Бенфика» ўртасидаги чорак финалнинг илк учрашуви 11 апрель куни бўлиб ўтади.
