Superliga 4-turidan o‘rin olgan “Olimpik” — “Andijon” uchrashuvi 17:00 da start oladi.
Bellashuv 3 aprel kuni “Jar” stadionida bo‘lib o‘tadi. Avvalroq Liga uning startini 18:00 ga reja qilgandi. Biroq keyinchalik “Sport” telekanali o‘yin vaqtini o‘zgartirish yuzasidan taklif bilan chiqdi.
3 aprel kuni, shuningdek, poytaxtimizda xokkey bo‘yicha Qozog‘iston Pro ligasining final uchrashuvi bo‘lib o‘tadi. Shundan kelib chiqib, “Sport” Toshkentning “Humo” jamoasi ishtirokidagi bellashuvni ham jonli efirga olib chiqishni reja qilgan.
O‘zbekiston Professional futbol ligasi o‘yin vaqti masalasida “Olimpik” va “Andijon” futbol klublari rahbariyatini avvaldan xabardor qildi. Biz xokkey orqali o‘zbekistonlik sport muxlislariga katta quvonch ulashayotgan “Humo” jamoasiga “Nomad” bilan o‘yinda omad va zafar tilaymiz.
