"Nissa" yarim himoyachisi Kefren Tyuram "Nyukasl"ning nishoniga aylandi, deb xabar beradi The Telegraph.
22 yoshli fransuz “qarg‘alar”ning bosh skauti Stiv Niksonni qiziqtirmoqda.
Tyuram 2019 yildan beri “Nissa”da to‘p suradi. Joriy mavsumda u klub safida barcha musobaqalarda 39 ta o‘yinda maydonga tushib, 2 ta gol urdi va 8 ta golli uzatmani amalga oshirdi. 24 mart kuni yarim himoyachi Fransiyaning asosiy jamoasi safida Niderlandiyaga qarshi o‘yinda (4:0) debyut qildi.