Birmingemning “Aston Villa” klubi kecha Londonning “Chelsi” jamoasini mag‘lub etdi. Ma’lum bo‘lishicha, bu g‘alaba birmingemliklar uchun 2022 yil 6 noyabrdan beri Premyer-ligadagi to‘qqizinchi g‘alaba bo‘ldi. Aynan o‘sha kuni ispaniyalik murabbiy Unai Emeri jamoaga kelgan edi.
Bu davrda APLda ko‘proq g‘alabalarni ligada faqat ikkita jamoa qo‘lga kiritib, turnir jadvalida birinchi va ikkinchi o‘rinlarni egallab turibdi. Bular “Arsenal” (13 ta g‘alaba) va “Manchester Siti” (10 ta g‘alaba).
"Chelsi" ustidan qozonilgan ishonchli g‘alabadan so‘ng "Aston Villa" APL turnir jadvalida 9-o‘ringa ko‘tarilib oldi, jamoa hisobida 41 ochko bor.
