Potter sentyabr oyida 5 yillik shartnoma asosida bosh murabbiy bo‘lgan, biroq 7 oy o‘tmay, yomon natijalar tufayli ishdan bo‘shatildi.
Potter Premyer-ligadagi eng ko‘p maosh oluvchi murabbiylardan biri edi va uzoq muddatli shartnomani muddatidan oldin bekor qilish «Chelsi»ga katta summaga tushishi mumkin.
Jurnalist Devid Ornshteynning so‘zlariga ko‘ra, londonliklar rahbariyati unga tegishli bo‘lgan barcha maoshlarini besh yil davomida to‘lashlari shart emas, ammo jazo baribir juda katta bo‘ladi.
Eslatib o‘tamiz, sentyabr oyida Grem Potterning tayinlanishi uchun «Chelsi» «Brayton»ga 24 million yevrodan ko‘proq to‘lagan.
