Angliya chempionatining yigirma to‘qqizinchi turida «Sautgempton» Londonning «Vest Xem» klubiga minimal hisobda imkoniyatni boy berdi.
«Bolg‘achilar» ustozi Devid Moyes o‘z jamoasi uchun muvaffaqiyatli o‘tgan o‘yin natijalari haqida fikr bildirdi.
«Natijadan juda mamnunman. Biz vazifamizni sidqidildan bajardik. Biz bu mavsumda eng yaxshi o‘yin ko‘rsatgan uchrashuvlarimizdan birini o‘tkazdik, kerakli natijaga erishdik.
Agar siz mening iste’fom haqida so‘rasangiz, ijobiy natijalar bunga eng yaxshi javobdir», deya Moyesning so‘zlarini keltirgan BBC Sport.
Angliya chempionatining navbatdagi turida «Vest Xem» o‘z uyida «Nyukasl»ni qabul qiladi, bu 5 aprel kuni sodir bo‘ladi.
