Myunxenning “Bavariya” klubi ayni damda “Manchester Siti”dan portugaliyalik himoyachi Joau Kanseluni 70 million yevroga sotib olmoqchi emas, deya xabar beradi The Sun.
28 yoshli futbolchi yanvar oyida "shaharliklar" bosh murabbiyi Pep Gvardiola bilan janjallashib qolganidan keyin 6 oylik ijara asosida jamoaga qo‘shilgan edi. Bu vaqt ichida Portugaliya terma jamoasi yulduzi Bundesligada bor yo‘g‘i to‘rtta o‘yin o‘tkazdi.
Jurnalist Fabrisio Romanoning so‘zlariga ko‘ra, "Bavariya" rahbarlari kelasi oy Tomas Tuxel bilan gaplashib, Kanseluning kelajagi bo‘yicha yakuniy qaror qabul qilishadi.
