Мюнхеннинг “Бавария” клуби айни дамда “Манчестер Сити”дан португалиялик ҳимоячи Жоау Канселуни 70 миллион еврога сотиб олмоқчи эмас, дея хабар беради The Sun.
28 ёшли футболчи январ ойида "шаҳарликлар" бош мураббийи Пеп Гвардиола билан жанжаллашиб қолганидан кейин 6 ойлик ижара асосида жамоага қўшилган эди. Бу вақт ичида Португалия терма жамоаси юлдузи Бундеслигада бор йўғи тўртта ўйин ўтказди.
Журналист Фабрицио Романонинг сўзларига кўра, "Бавария" раҳбарлари келаси ой Томас Тухель билан гаплашиб, Канселунинг келажаги бўйича якуний қарор қабул қилишади.
