Bir qancha yarim himoyachilar yozda "Liverpul"ni tark etishadi.

Yarim himoyachilar Nabi Keyta va Aleks Oksleyd-CHemberlen yozda “Liverpul”ni tekinga tark etishadi. Bu haqdagi qaror noyabr oyida qabul qilingan, deb yozadi jurnalist Fabrisio Romano.

Bundan tashqari, “Yuventus”dan ijaraga olingan Artur ham “Liverpul”ni tark etadi.

Qayd etilishicha, Keytada faoliyatini davom ettirish uchun ko‘plab imkoniyatlar mavjud.

Keyta “Liverpul”da 2018 yildan, Oksleyd-CHemberlen esa 2017 yildan buyon to‘p suradi. Ular joriy mavsumda jamoa safida 13 ta o‘yinda maydonga tushishdi.