"Chelsi" yaqinda Grem Potterni iste’foga chiqardi. Endilikda “ko‘klar” jamoaga yangi bosh murabbiy qidirmoqda va bir qator mutaxassislar London klubi bilan bog‘langan.
Ispaniyaning AS nashri xabariga ko‘ra, "ko‘klar" Luis Enrike bilan aloqada. Ispaniyalik mutaxassis bir necha oydan beri ishsiz edi, u JCH-2022dan keyin Ispaniya terma jamoasini tark etdi.
Luis Enrike avvalroq Angliya Premyer-ligasida ishlash imkoniyati uni o‘ziga jalb qilayotganini aytgandi.
"Chelsi" ayni damda Angliya chempionati turnir jadvalida 11-o‘rinda bormoqda.