Angliya chempionatining 7-turidan o‘rin olgan qoldirilgan o‘yinda «Bornmut» «Brayton» bilan to‘qnash keldi va ikki to‘p farqi bilan mag‘lub bo‘ldi.
«Brayton» darvozaboni Jeyson Stil uchrashuv haqida fikr bildirdi va uning jamoasi juda yaxshi o‘yin o‘tkazganini aytdi.
«Biz juda yaxshi o‘ynadik, bundan yomonroq bo‘ladi deb o‘ylagandik, chunki «Bornmut» o‘z uyida juda yaxshi.
O‘ylaymanki, biz g‘alaba qozonishga haqli edik. Menga Roberto de Zerbi, uning futbol g‘oyalari yoqadi, chunki men bu jamoani yaxshi ko‘raman», - dedi Stil.
Shanba kuni «Brayton» safarda «Tottenxem»ga qarshi o‘ynaydi.
