Madridning “Real” klubi yarim himoyachisi Toni Kroos Ispaniya kubogida g‘alaba qozonishni orzu qilmoqda. Marca xabariga ko‘ra, germaniyalik yarim himoyachi "qirollik klubi" tarkibida hali qo‘lga kiritilmagan yagona sovrinni qo‘lga kiritishni juda istamoqda.
Eslatib o‘tamiz, bugun “Real” Ispaniya kubogi yarim finali javob o‘yinida “Barselona” bilan o‘ynaydi. Karlo Anchelotti shogirdlari o‘z maydonida o‘tkazgan ilk uchrashuvda 0:1 hisobida mag‘lub bo‘lgandi.
Kroosning "Real" bilan shartnomasi mavsum oxirida tugaydi. Bu Tonining Ispaniya Kubogini qo‘lga kiritishdagi so‘nggi urinishi bo‘lishi mumkin, chunki futbolchi yozda professional faoliyatini yakunlashi kutilmoqda.
