"Chelsi" egalari Todd Boeli va Behdad Egbali Frank Lempardni vaqtinchalik bosh murabbiy etib tayinlangani bilan tabrikladi.

"Biz Frank Lempardni yana "Stemford Bridj"da kutib olishdan xursandmiz. Frank - Premyer-liga shon-sharaf zali va klubning tirik afsonasi. Yangi doimiy bosh murabbiy izlashda davom etar ekanmiz, muxlislarga mavsum oxirigacha aniq va barqaror reja taqdim etmoqchimiz.

Biz muvaffaqiyatga erishish imkoniyatini maksimal darajada oshirishni istaymiz va Lempard mavsumni muvaffaqiyatli yakunlash uchun barcha xususiyat va sifatlarga ega.

Shanba kuni bizni “Vulverxempton”ga qarshi muhim o‘yin kutib turibdi, shundan so‘ng barchaning e’tibori Chempionlar Ligasi chorak finalidagi to‘qnashuvga qaratiladi. Biz Frankni to‘liq qo‘llab-quvvatlaymiz va mavsum oxirigacha qolgan o‘yinlarda eng yaxshi natijani qo‘lga kiritishga umid qilamiz", — deyiladi xabarda.