"Челси" эгалари Тодд Боэли ва Беҳдад Эгбали Франк Лэмпардни вақтинчалик бош мураббий этиб тайинлангани билан табриклади.

"Биз Франк Лэмпардни яна "Стэмфорд Бридж"да кутиб олишдан хурсандмиз. Франк - Премьер-лига шон-шараф зали ва клубнинг тирик афсонаси. Янги доимий бош мураббий излашда давом этар эканмиз, мухлисларга мавсум охиригача аниқ ва барқарор режа тақдим этмоқчимиз.

Биз муваффақиятга эришиш имкониятини максимал даражада оширишни истаймиз ва Лэмпард мавсумни муваффақиятли якунлаш учун барча хусусият ва сифатларга эга.

Шанба куни бизни “Вулверхэмптон”га қарши муҳим ўйин кутиб турибди, шундан сўнг барчанинг эътибори Чемпионлар Лигаси чорак финалидаги тўқнашувга қаратилади. Биз Франкни тўлиқ қўллаб-қувватлаймиз ва мавсум охиригача қолган ўйинларда энг яхши натижани қўлга киритишга умид қиламиз", — дейилади хабарда.