"PSJ" bosh murabbiyi Kristof Galtye Kilian Mbappening gapiga munosabat bildirdi. Bir kun avval hujumchi kelasi mavsum uchun reklama roligi chiqqanidan keyin klubni tanqid qilgandi.
"O‘z fikrimni bildirishim qiyin, chunki bu ish Kilian va klub o‘rtasida sodir bo‘lgan. Bugun u yaxshi kayfiyatda ishladi. Bilaman, Kilian va rahbariyat o‘rtasida ko‘p muhokamalar bo‘lgan. Bu voqea ortda qoldi”, dedi Galtye juma kuni bo‘lib o‘tgan matbuot anjumanida jurnalistlarga.
2022/2023 yilgi mavsumda Mbappe "PSJ" safida 34 ta o‘yinda maydonga tushib, 31 ta gol urdi va 8 ta golga assistentlik qildi.
