"ПСЖ" бош мураббийи Кристоф Галтье Килиан Мбаппенинг гапига муносабат билдирди. Бир кун аввал ҳужумчи келаси мавсум учун реклама ролиги чиққанидан кейин клубни танқид қилганди.
"Ўз фикримни билдиришим қийин, чунки бу иш Килиан ва клуб ўртасида содир бўлган. Бугун у яхши кайфиятда ишлади. Биламан, Килиан ва раҳбарият ўртасида кўп муҳокамалар бўлган. Бу воқеа ортда қолди”, деди Галтье жума куни бўлиб ўтган матбуот анжуманида журналистларга.
2022/2023 йилги мавсумда Мбаппе "ПСЖ" сафида 34 та ўйинда майдонга тушиб, 31 та гол урди ва 8 та голга ассистентлик қилди.
