"Barselona" himoyachisi Jordi Alba ispan klubi bilan shartnomasini to‘liq yakunlash niyatida. Bu haqda jurnalist Alfredo Martines xabar berdi. Kataloniyaliklar va 34 yoshli futbolchi o‘rtasidagi shartnoma 2024 yilning yozida yakuniga yetadi.

Manbaga ko‘ra, ispaniyalik himoyachi o‘yin vaqti va jamoadagi zaxira o‘yinchisi maqomidan to‘liq qoniqmoqda. U o‘z tajribasini "Barselona"ning yosh futbolchilari, shu mavsumda Albani asosiy jamoadan chetlatgan Aleks Balde bilan bo‘lishmoqchi.

Joriy mavsumda u 23 ta o‘yinda 1 ta gol va 6 ta golli uzatmaga mualliflik qilgan.