"Milan" sport direktori Frederik Massara hujumchi Olivye Jiru klub bilan yangi shartnoma imzolashini aytdi.
"Men Jiru tez orada yangi shartnoma imzolashini tasdiqlashim mumkin - bu muqarrar", - dedi Massara insayder Fabrisio Romanoga.
Jurnalistning so‘zlariga ko‘ra, yangi kelishuv 2024 yilning yoziga qadar hisoblangan va shu oy oxirida imzolanishi kerak. Romano avvalroq futbolchining maoshi bonuslar bilan birga 3,8 million yevro bo‘lishini ma’lum qilgandi.
36 yoshli Jiru joriy mavsumda "Milan" safida barcha turnirlarda 35 ta o‘yinda maydonga tushib, 12 ta gol urdi va 6 ta golli uzatmani amalga oshirdi. Futbolchining amaldagi shartnomasi 2023 yilning yozida yakuniga yetadi.