Superliga 5-turi doirasida safarda OKMK klubiga qarshi bahsda mag‘lub bo‘lgan “Navbahor” jamoasi bosh murabbiyi Samvel Babayan ikki jamoa o‘rtasidagi o‘yinlarga qanday baho berayotgani, raqib nimani evaziga o‘yinni o‘z tomoniga og‘dirib olgani, jamoasiga kimlar etishmagani va jamoasining kamchiliklari haqida gapirdi.
“Avvalo, aytishim kerakki “Navbahor”ning OKMKga qarshi o‘yinlari so‘nggi yillarda chempionatning bezagiga aylanib bormoqda. Bugun gol urib olgach g‘alabaga muddatidan avval ishonib yubordik shekilli, o‘ynashni yig‘ishtirib qo‘ydik. Jamoamni taniy olmay qoldim. OKMK bugun xarakter ko‘rsatdi va g‘alabaga erishdi. Qayerda va qanday xatolarga yo‘l qo‘ydik – bularni tahlil qilamiz va ular ustida ishlaymiz”, - dedi Babayan.
“Bugun bizga Yaxshiboyev va Hoshimovning maydondagi o‘rinlari bilindi. Zaxiradan maydonga tushirilgan futbolchilarda esa, sifat yetishmadi”.
“Jamoamga xarakter va konsentrasiya yetishmayapti. Qaytaraman, bugun bizda sifat yetishmadi. Zaxiradan maydonga tushgan futbolchilarning sifati biz kutgan darajada emas. Mulohaza qilishimiz uchun sabablar yetarlicha. Ular ustida albatta ishlaymiz”.
