"Vilyarreal" himoyachisi Pau Torres jamoaning mavsumdagi maqsadlari haqida gapirdi.

Futbolchining so‘zlariga ko‘ra, “Vilyarreal” yevrokuboklarda ishtirok etish uchun Ispaniya chempionatida kuchli to‘rtlikka kirish niyatida.

"Biz har mavsum yevrokuboklarda o‘ynashga o‘rganib qolgan klubmiz. Biz yana Yevropada o‘ynash uchun kuchli to‘rtlikka kirishni istaymiz va buning uchun hamma narsani qilamiz", - dedi Torres Cadena Ser bilan suhbatda.

Bundan tashqari, himoyachi "Vilyarreal"ni boshqargan jamoa bosh murabbiyi Kike Setyenning talablariga jamoa allaqachon moslashganini ta’kidladi.

Joriy Ispaniya chempionatining 28-turidan so‘ng “Vilyarreal” 47 ochko jamg‘arib, turnir jadvalida beshinchi o‘rinda bormoqda.