"PSJ" yarim himoyachisi Renatu Sanshesh yana 3-4 hafta o‘ynay olmaydi. Jurnalist Adriyen Grenyening fikricha, portugaliyalik futbolchining maydonga qaytishi ertaroq amalga oshmaydi.
Manbaning xabar berishicha, Sanshesh ayni damda mushagidan jarohat olgan. Joriy mavsumda Renatu turli jarohatlar tufayli 16 ta uchrashuvni o‘tkazib yubordi.
Joriy mavsumda Sanshesh Fransiya chempionatida 537 daqiqa o‘tkazib, ikkita gol urdi. Avvalroq, futbolchi kelasi yozda "PSJ"ni tark etishi haqida ma’lumot tarqalgandi.