“Manchester Siti” g‘alabali seriyasini 9 ta o‘yinga yetkazdi.

Pep Gvardiola shogirdlari Chempionlar ligasining chorak final dastlabki o‘yinida “Bavariya”ni 3:0 hisobida mag‘lub etdi.

Oxirgi marta “shaharliklar” 22 fevral kuni maydonni g‘alabasiz tark etgandi – o‘shanda “Leypsig” bilan durang o‘ynagandi (1:1). O‘shandan beri ular ketma-ket 9 ta g‘alabaga erishib, 34 ta gol urdi va 3 ta gol o‘tkazib yubordi.

“Manchester Siti” navbatdagi o‘yinni 15 aprel kuni APL doirasida “Lester”ga qarshi o‘tkazadi. "Bavariya"ga qarshi javob uchrashuvi 19 aprelga belgilangan.