"Manchester Siti" sardori Ilkay Gyundogan "Barselona"ga o‘tishga rozi bo‘ldi.

Tomonlar uzoq vaqtdan beri potensial hamkorlikni muhokama qilishgan va hozir, aftidan, kelishuvga erishgan. Jurnalist Xavi Migelning xabar berishicha, 32 yoshli yarim himoyachi Kataloniya klubi taklifini qabul qilgan. Kelishuv taqdiri faqat moliyaviy feyr-pleyga bog‘liq - o‘tish "Barselona" iqtisodiy muammolarni hal qilsa, amalga oshadi.

Avvalroq, payshanba kuni “ko‘k-anorranglilar” direktori Mateu Alemani Ilkay Gyundoganning agenti bilan uchrashgani ma’lum bo‘lgandi.

Yarim himoyachining "Manchester Siti" bilan shartnomasi iyun oyida tugaydi, shuning uchun boshqa klublar uni erkin agent sifatida qo‘lga kiritishlari mumkin.