"So‘g‘diyona"ga qarshi o‘yindan keyin "Paxtakor" bosh murabbiyi matbuot anjumanida o‘yin xususida fikrlarini aytib o‘tdi.
- Yigitlarni g‘alaba bilan tabriklayman, ular deyarli 95 daqiqa mobaynida raqibdan bir kishi kam bo‘lib o‘ynadi. Bunday holat istalgan jamoa uchun katta yuklama beradi. Ularga rahmat aytaman. Futbolchilar o‘zlarini nazorat qila olishdi va sifatli futbol ko‘rsatishdi. Yanada ko‘proq gol urishlari ham mumkin edi. Shunday holatda uch ochkoni qo‘lga kiritdik. Asta-sekinlik bilan harakat qilib, navbatdagi o‘yinga tayyorlanamiz.
Futbolchilar oxirgi daqiqalarda e’tiborni yo‘qotgan bo‘lishlari mumkin. Jamoa deyarli butun o‘yin raqibdan bir kishi kam bo‘lib o‘ynadi. Qayerdadir charchashdi, anchagina kuch yo‘qotishdi. Ular ham robot emas, biz kabi odamlar. Doimo nolga o‘ynashni istaymiz. Tarkibdagi shunday saviyali himoyachilar bilan doimo gol o‘tkazib yubormaslik uchun harakat qilish kerak. Buni har kuni gapiramiz. Hozir chempionat o‘yinlari bo‘lmoqda. Sentyabrda boshqa turnir o‘yinlari boshlanadi. Ushbu o‘yinlar orqali xalqaro turnirga tayyorlanyapmiz.
Bir kishi kam holatda raqib sizdan jismonan va saviya borasida bir bosh pastda bo‘lsa ham qiyin. Yigitlar o‘yindan oldin qilingan rejaga qayta olishdi. Raqiblarga vaziyat yaratish uchun deyarli imkon berishmadi. So‘nggi soniyadagi golgacha ularga deyarli vaziyat bo‘lgani yo‘q. Faqatgina standartlardan keyin ular hujumlarga ega bo‘lishdi. Yigitlardan minnatdorman, ular talab qilingan ishlarni bajara olishdi.
