Kuni kecha Baxtiyor Ashurmatovni iste’foga chiqargan Yaypanning "Turon" jamoasi bugun Farg‘onada "Neftchi" jamoasiga qarshi o‘yinda jamoaga kim bosh murabbiylik qilishi bo‘yicha rasmiy bayonot berdi.
"Bugun bo‘lib o‘tadigan Farg‘onaning "Neftchi" klubiga qarshi bahsda jamoamizni klubimiz akademiyasida ishlab kelayotgan yosh mutaxassis Mirjalol Jo‘rayev maydonga boshlab tushadi.
O‘yin yakunida tashkil etiladigan matbuot anjumanida klub bosh direktori Abduvahob Ahmadaliyev ishtirok etadi" - deyiladi yaypanliklarning rasmiy bayonotida.
