Osiyo Kubogi U-20da chempion bo‘lgan O‘zbekiston yoshlar jamoasi hujumchisi Shahriyor Jabborovda (11-raqam) taqiqlangan modda aniqlandi.
«Paxtakor» a’zosining chorakfinal doirasidagi Avstraliyaga (1:1, pen — 5:4) qarshi o‘yindan keyin topshirgan doping testi musbat natija bergan. O‘sha bellashuvda Jabborov 64-daqiqada zaxiradan maydonga tushib, Zafarmurod Abdurahmatovning goliga assistentlik qilgandi.
Yakuniy qaror qabul qilingunicha futbolchining lisenziyasi vaqtinchalik to‘xtatib turiladi.