Karlo Anchelotti "Chelsi"ga qarshi o‘yin oldidan "Real"ning Chempionlar ligasidagi rekord muvaffaqiyatini yuqori baholadi.

"Bizda har doimgidek motivasiya yaxshi. Bizni juda muhim musobaqada muhim uchrashuv kutmoqda. Biz mukammal o‘yin o‘tkazish haqida o‘ylayapmiz. 90 daqiqa ichida hamma narsa sodir bo‘lishi mumkin. Biz bor kuchimiz bilan o‘ynashga tayyormiz.

Bu klub nima qilish kerakligini aniq ifodalaydi: har doim g‘alaba qozonish. Oxirigacha kurashing va bor kuchingizni bering. Agar yana yarim finalga chiqsak, demak, biz ko‘p mehnat qildik.

Tarixda aytilishicha, "Real Madrid" bu turnir qiroli, biz esa bu klubning kichik bir qismimiz. Bu klub Chempionlar ligasida hukmronlik qilmoqda, 14 ta kubokni qo‘lga kiritdi va biz ham navbatdagi g‘alaba bilan o‘z burchimizni bajarishga harakat qilyapmiz", - dedi "Real" bosh murabbiyi.

Madridliklar 18 aprel kuni "Chelsi"da o‘ynaydi.