Angliya chempionatining so‘nggi turida «Lids» «Liverpul»dan yirik hisobda mag‘lub bo‘ldi, Xavi Grasiya shogirdlari o‘z darvozasidan 6 ta gol o‘tkazib yubordi va bor-yo‘g‘i bitta gol urdi.
Qizig‘i, bunday falokat ketma-ket ikkinchi marta sodir bo‘lmoqda - bir hafta oldin, o‘tgan yakshanba kuni jamoa o‘z uyida «Kristal Pelas»dan beshta gol o‘tkazib yuborgandi.
Ma’lum bo‘lishicha, jamoa birinchi marta chempionat doirasidagi ikkita uy uchrashuvida ketma-ket besh va undan ortiq gol o‘tkazib yuborgan. Bungacha klubda bunday holat bo‘lmagan.
Angliya chempionatining navbatdagi turida «Lids» «Fulxem» bilan to‘qnash keladi, bahs 22 aprel kuni bo‘lib o‘tadi.
