«Nyukasl Yunayted» «Barselona» vingeri Usmon Dembelega qiziqish bildirmoqda.
Ingliz klubi kelasi mavsumda Chempionlar ligasiga yo‘l olsa, tarkibni jiddiy ravishda kuchaytirish niyatida.
Dembelega hujumkor guruhni kuchaytirishning asosiy varianti sifatida qaralmoqda. 90min xabariga ko‘ra, yaqinda Angliyaga tashrifi chog‘ida futbolchi «Nyukasl» vakillari bilan dastlabki aloqani o‘rnatgan.
25 yoshli Usmon Dembelening «Barselona» bilan amaldagi shartnomasi 2024 yilda yakuniga yetadi. Kataloniya klubi futbolchining jarohatga moyil tabiatini inobatga olib, foydali taklif tushgan taqdirda futbolchi bilan xayrlashishga qarshi emas.
Futbolchining o‘zi ham shartnomani uzaytirish bo‘yicha «Barselona»dan taklifni kutmasa, boshqa klubga o‘tishga tayyor.