Chempionlar ligasi nimchorak final javob o‘yinida «Chelsi» ustidan qozonilgan ishonchli g‘alabadan so‘ng «Real Madrid» yana ushbu nufuzli turnirning yarim finali ishtirokchisiga aylandi. Shu tariqa, bu «Real Madrid»ning so‘nggi 13 mavsumda Chempionlar ligasi yarim finaliga 11-marta chiqishi bo‘ldi.

«Qaymoqranglilar»ning eng yaqin ta’qibchisi «Bavariya» bo‘lib, bu vaqt ichida ular 7 marta yarim finalga chiqdi.

Eslatib o‘tamiz, «Real Madrid» umumiy hisobda 4:0 hisobida g‘alaba qozonib, «Chelsi»ni Chempionlar ligasidan chiqarib yubordi.

Madridliklar har bir o‘yinda «ko‘klar» darvozasiga javobsiz ikkita gol urishdi.