Fransiyalik mutaxassis Zinedin Zidan "Yuventus"ni boshqarishni istamoqda, deb xabar beradi RMC Sport.
Manbaning xabariga ko‘ra, 50 yoshli murabbiy dastlabki yillarda yevrokuboklarda o‘ynamasa ham, uzoq muddatli, progressiv loyihaga o‘zini bag‘ishlashga tayyor. Turin klubi Zidan uchun ustuvor variant.
Oldinroq “An-Nasr” Zidanni bosh murabbiylikka taklif qilmoqchi ekani haqida xabar berilgandi. Klub “Real”ning sobiq murabbiyiga ikki yilga hisoblangan 120 million yevrolik shartnoma taklif qilmoqchi.
Eslatib o‘tamiz, Zidan futbolchilik faoliyatining bir necha yilini aynan "byankonerilar" safida o‘tkazgan.
