Франциялик мутахассис Зинедин Зидан "Ювентус"ни бошқаришни истамоқда, деб хабар беради RMC Sport.
Манбанинг хабарига кўра, 50 ёшли мураббий дастлабки йилларда еврокубокларда ўйнамаса ҳам, узоқ муддатли, прогрессив лойиҳага ўзини бағишлашга тайёр. Турин клуби Зидан учун устувор вариант.
Олдинроқ “Ан-Наср” Зиданни бош мураббийликка таклиф қилмоқчи экани ҳақида хабар берилганди. Клуб “Реал”нинг собиқ мураббийига икки йилга ҳисобланган 120 миллион евролик шартнома таклиф қилмоқчи.
Эслатиб ўтамиз, Зидан футболчилик фаолиятининг бир неча йилини айнан "бьянконерилар" сафида ўтказган.
