"Atalanta"da to‘p surayotgan hujumchi Rasmus Xyoylunn faoliyatini Italiyaning boshqa jamoasida davom ettirishi mumkin.
La Gazzetta dello Sport nashrining xabar berishicha, 20 yoshli futbolchining xizmatlariga "Napoli" qiziqish bildirmoqda.
Neapolliklar Yevropaning bir qancha top-klublari da’vo qilayotgan nigeriyalik Viktor Osimxenga muqobil sifatida Xyoylunn nomzodini ko‘rib chiqmoqda. Futbolchining transfer narxi 35 million yevroga baholanmoqda.
Italiya chempionatining joriy mavsumida Rasmus 26 ta jangda qatnashib, 7 ta gol va ikkita golli uzatmaga mualliflik qilgan.
