"Milan" hujumchisi Zlatan Ibrahimovich Italiya chempionati doirasidagi "Lechche"ga (2:0) qarshi o‘yinda ishtirok eta olmadi.
O‘yindan oldingi mashg‘ulot paytida shvesiyalik futbolchining boldir mushaklarida og‘riq paydo bo‘ldi. Skandinaviyalik futbolchi oqsoqlanib maydonni tark etdi. Bosh murabbiy Stefano Pioli 41 yoshli faxriyni tavakkal qilmaslikka qaror qildi.
Italiya chempionatining joriy mavsumida Ibraximovich atigi to‘rtta o‘yinda qatnashib, bitta golni penaltidan kiritdi. Zlatan va "rossonerilar" o‘rtasidagi amaldagi shartnoma muddati iyun oyi oxirigacha mo‘ljallangan. Katta ehtimol bilan tomonlar shartnomani uzaytirmaydi.