"Милан" ҳужумчиси Златан Ибраҳимович Италия чемпионати доирасидаги "Лечче"га (2:0) қарши ўйинда иштирок эта олмади.
Ўйиндан олдинги машғулот пайтида швециялик футболчининг болдир мушакларида оғриқ пайдо бўлди. Скандинавиялик футболчи оқсоқланиб майдонни тарк этди. Бош мураббий Стефано Пиоли 41 ёшли фахрийни таваккал қилмасликка қарор қилди.
Италия чемпионатининг жорий мавсумида Ибрахимович атиги тўртта ўйинда қатнашиб, битта голни пенальтидан киритди. Златан ва "россонерилар" ўртасидаги амалдаги шартнома муддати июнь ойи охиригача мўлжалланган. Катта эҳтимол билан томонлар шартномани узайтирмайди.
