Markaziy Osiyo futbol assosiasiyasi milliy jamoalari ishtirokidagi birinchi turnir uchun qur’a tashlash mexanizmini e’lon qildi.

Qur’a tashlash marosimi 26 aprel kuni bo‘lib o‘tadi. Musobaqada 7ta terma jamoa ishtirok etadigan bo‘ldi. Ummon terma jamoasi mehmon jamoa sifatida taklif etildi.

Qur’adan avval jamoalar FIFAning aprel oyidagi reytingi asosida 4ta savatchaga ajratilishdi. Unga ko‘ra, Eron va O‘zbekiston terma jamoalari 1-savatchadan o‘rin olishdi.

1-savatcha
Eron
O‘zbekiston ("A" guruhi mezboni)

2-savatcha
Qirg‘iziston ("V" guruhi mezboni)
Tojikiston

3-savatcha
Turkmaniston
Afg‘oniston

4-savatcha
Ummon

Ko‘rib turganingizdek, "A" guruhiga mezbonlik qiladigan O‘zbekistonga 2-savatdan Tojikiston tushishi aniq. Shuningdek, mehmon jamoa — Ummon ham bizning guruhdan o‘rin oladigan bo‘ldi. Faqat 3-savatdan qaysi jamoa (Turkmaniston yoki Afg‘oniston) "A" guruhigi tushishini qur’a aniqlab beradi.

O‘zbekiston turnirni Ummonga qarshi o‘yin bilan boshlaydi.

Guruhlar shunday ko‘rinishda bo‘ladi:

"A" guruhi
O‘zbekiston
Tojikiston
Turkmaniston yoki Afg‘oniston
Ummon

"V" guruhi
Qirg‘iziston
Eron
Turkmaniston yoki Afg‘oniston