"Barselona" Markos Alonso bilan yozgi transfer oynasida uning ketishini muhokama qilmoqda.

Avval xabar qilinganidek, Kataloniya klubi rahbarlari moliyaviy feyr-pleydagi qiyinchiliklar tufayli himoyachini sotishga ruxsat berishmoqchi. Insayder Jerar Romeroning yangilangan ma’lumotlariga ko‘ra, bugun Alonso va uning vakillari "Barselona" rahbariyati bilan uchrashishdi. Muhokamaning asosiy mavzusi aynan 32 yoshli futbolchining kelasi yozda ketish masalasi edi. Qolaversa, takidlanganidek, klubga ispaniyalik uchun bir qancha takliflar kelib tushgan.

Markos Alonso "Barselona" safiga o‘tgan yozda "Chelsi"dan tekinga kelib qo‘shilgan edi. Joriy mavsumda u 30 ta o‘yin o‘tkazib, 3 ta gol urgan.