"Manchester Siti" "Leypsig" markaziy himoyachisi Yoshko Gvardiol bilan himoya chizig‘ini kuchaytirmoqchi.

21 yoshli futbolchi transfer bozoridagi eng ko‘p muhokama qilinayotgan figuralardan biri bo‘lib, "Manchester Siti" uzoq vaqtdan beri xorvat uchun asosiy da’vogarlardan biri sifatida ko‘rib kelinadi. Relevo nashrining yangilangan xabariga ko‘ra, "shaharliklar" markaziy himoyachining yaqin orada imzolanishiga to‘liq ishonch bildirishmoqda, uning narxi, ba’zi ma’lumotlarga ko‘ra, "Leypsig" tomonidan 100 million yevrodan ko‘proqqa baholanmoqda.

Gvardiol joriy mavsumda “buqalar” safida 37 ta o‘yinda maydonga tushdi. Uning shartnomasi 2027 yilgacha mo‘ljallangan.