"Barselona" bosh murabbiyi Xavi Ernandes yarim himoyachi Gavi o‘yinlar vaqtida tez-tez raqiblariga zarba beradi, deb hisoblamaydi. Eslatib o‘tamiz, yosh yarim himoyachi avvalroq maydonda agressiv xatti-harakatlari uchun tanqid qilingandi.

"Men Gavi o‘yinlarda tez-tez raqiblariga zarba beradi, deb o‘ylamayman. Bitta narsa shundaki, u tez-tez duellarda qatnashadi. Gavi jismonan juda kuchli, shuning uchun u ko‘plab kurashdarda g‘olib chiqadi. Men unga doim ehtiyot bo‘lishni maslahat beraman. Birinchi daqiqada sariq kartochka olganidan so‘ng, u ehtiyotkorlik bilan o‘ynay boshladi", - dedi Xavi matbuot anjumanida.

Eslatib o‘tamiz, Gavi yilning eng yaxshi yosh futbolchisiga beriladigan "Golden Boy" mukofotining amaldagi sohibi hisoblanadi.