"Барселона" бош мураббийи Хави Эрнандес ярим ҳимоячи Гави ўйинлар вақтида тез-тез рақибларига зарба беради, деб ҳисобламайди. Эслатиб ўтамиз, ёш ярим ҳимоячи аввалроқ майдонда агрессив хатти-ҳаракатлари учун танқид қилинганди.
"Мен Гави ўйинларда тез-тез рақибларига зарба беради, деб ўйламайман. Битта нарса шундаки, у тез-тез дуэлларда қатнашади. Гави жисмонан жуда кучли, шунинг учун у кўплаб курашдарда ғолиб чиқади. Мен унга доим эҳтиёт бўлишни маслаҳат бераман. Биринчи дақиқада сариқ карточка олганидан сўнг, у эҳтиёткорлик билан ўйнай бошлади", - деди Хави матбуот анжуманида.
Эслатиб ўтамиз, Гави йилнинг энг яхши ёш футболчисига бериладиган "Golden Boy" мукофотининг амалдаги соҳиби ҳисобланади.
