"Brentford" bosh murabbiyi Tomas Frank kecha jamoasining "Chelsi" ustidan qozonilgan g‘alabasi haqida fikr bildirdi. Eslatib o‘tamiz, “asalarilar” raqiblarini 2:0 hisobida mag‘lub etishdi.
"Chelsi" bizga bunday hurmat ko‘rsatganidan juda xursandmiz. Ular uchrashuvga juda himoyalangan o‘yin bilan kirishdi, ammo tanaffusdan keyin men “Chelsi” ko‘proq hujumkor o‘yinchilarni maydonga tushirishini kutgandim" - dedi Frank o‘yindan keyingi matbuot anjumanida.
"Chelsi" qatorasiga 8 o‘yinda g‘alaba qozona olmayapti. Oxirgi yetti uchrashuvda jamoa faqat bitta gol urgan. Kecha "ko‘klar" Chempionlar ligasiga yo‘llanmani qo‘lga kiritish uchun matematik imkoniyatlaridan mahrum bo‘lishdi.