"Barselona" himoyachisi Jyul Kunde o‘z pozisiyasiga qaytishga umid qilmoqda.
Fransuz aslida markaz himoyachi, biroq Kataloniya klubiga o‘tgandan so‘ng debyut mavsumida u jamoadagi kadrlar holati va Xavi Ernandesning taktik g‘oyalari tufayli tez-tez o‘ng qanot himoyachisi pozisiyasini egallashiga to‘g‘ri kelmoqda. Mutaxassisning o‘zi esa Kundedan qanotda foydalanishda davom etishni rejalashtirayotganiga shama qilgan. Shu bilan birga, Diario AS xabariga ko‘ra, 24 yoshli futbolchi keyingi mavsumda himoyaning o‘ng tomonida o‘ynashni istamayapti.
Jyul Kunde ushbu mavsumda "Barselona"ning 34 ta o‘yinida maydonga tushib, 5 ta golli uzatmani amalga oshirdi.
