"Барселона" ҳимоячиси Жюль Кунде ўз позициясига қайтишга умид қилмоқда.
Француз аслида марказ ҳимоячи, бироқ Каталония клубига ўтгандан сўнг дебют мавсумида у жамоадаги кадрлар ҳолати ва Хави Эрнандеснинг тактик ғоялари туфайли тез-тез ўнг қанот ҳимоячиси позициясини эгаллашига тўғри келмоқда. Мутахассиснинг ўзи эса Кундедан қанотда фойдаланишда давом этишни режалаштираётганига шама қилган. Шу билан бирга, Diario AS хабарига кўра, 24 ёшли футболчи кейинги мавсумда ҳимоянинг ўнг томонида ўйнашни истамаяпти.
Жюль Кунде ушбу мавсумда "Барселона"нинг 34 та ўйинида майдонга тушиб, 5 та голли узатмани амалга оширди.
