"Reyms" hujumchisi Folarin Balogun faoliyatini "PSJ"da davom ettirishi mumkin.
Hujumchining transfer huquqlari "Arsenal"ga tegishli. U Fransiya jamoasida ijara asosida o‘ynaydi.
Nashrning yozishicha, parijliklar rahbariyati jamoani yoshartirmoqchi va 21 yoshli ingliz futbolchisi bilan shartnoma imzolash haqida o‘ylamoqda.
Joriy mavsumda Balogun “Reyms” safida 33 ta o‘yin o‘tkazib, 19 ta gol urdi va 3 ta golli uzatmani amalga oshirdi. Transfermarkt portaliga ko‘ra futbolchining narxi 25 million yevroga baholanmoqda.













