Italiyalik sobiq futbolchi Daniele Adani Massimiliano Allegri haqida past fikrda va Italiya kubogi yarim finalining javob uchrashuvida o‘z fikrining to‘g‘riligiga amin bo‘ldi – «Inter» «Yuventus»ni mag‘lub etdi va finalga chiqdi.
Adanining fikricha, «Inter» birinchi turinliklardan haqqoniy ustun keldi.
«Allegriga ishonmayman, «Inter» 4:0 hisobida ham g‘alaba qozonishi mumkin edi. Allegri bilan solishtirganda, Simone Indzagi shunchaki Kroyff darajasida», - deya Adanining so‘zlarini keltiradi Italiyaning ITASportPress axborot agentligi.
Yoxan Kroyffning murabbiylik faoliyati juda qisqa bo‘lgan, ammo juda yorqin edi - u «Barselona» bilan o‘n bir sovrinni qo‘lga kiritgan.
