"Chelsi"ning sobiq futbolchisi Emanuel Peti Angliya Premyer-ligasining kechagi London derbisida "Arsenal"ga qarshi o‘yindan so‘ng jamoani tanqid qildi. "Chelsi" 1:3 hisobida mag‘lub bo‘ldi va barcha musobaqalarda ketma-ket oltinchi mag‘lubiyatini qabul qilib oldi.
"Men "Chelsi" zaxira o‘rindig‘iga yaqin bo‘lganimda, ba’zi o‘yinchilarning o‘zaro bahslashayotganini ko‘rdim. Birinchi bo‘limda sodir bo‘lgan voqea meni hayratda qoldirdi. Futbolchilarda na g‘urur, na birdamlik, na do‘stlik bor edi. Zaxiraga kamida 20 nafar murabbiyni qo‘yish mumkin, bu hech narsani o‘zgartirmaydi. Menimcha, klub birinchi navbatda kiyinish xonasini tozalashi kerak, shundan keyingina murabbiy haqida o‘ylash kerak. Muxlislar uchun juda afsusdaman, bunday o‘yinni ko‘rish uyat", - dedi Peti.
